منتديـــــــــــــات سارة للبنات

منتديـــــــــــــات سارة للبنات


 
الرئيسيةمكتبة الصورالتسجيلدخول

شاطر | 
 

 الــــــــبــارت الثاني) وهذه الجز الثاني

استعرض الموضوع السابق استعرض الموضوع التالي اذهب الى الأسفل 
كاتب الموضوعرسالة
So_SO
|| آلرقآبهـّ آلعآمهـّ ~
|| آلرقآبهـّ آلعآمهـّ ~
avatar

•°||مساهماتے« : 179

مُساهمةموضوع: وايتي الاولى ((مجنون انا وزتني بجنون واول جنوني يوم اني عرفتك))رومنسيه بمعنى الكلمه الجز الاول يتبع >>>>   السبت أغسطس 07, 2010 12:09 pm

--------------------------------------------------------------------------------

إليكم الرواية واتمنى ان تنول على إعجابكم

((ابطـــــال الروايـــــــــة))

بيت عبد العزيز،ابوياسر،ام ياسر ،ياسر العمر :23 وفاء العمر :21 نوف العمر :19 طلال العمر :18
بيت عمهم عبد الرحمن وزوجته ام خالد ،خالد العمر : 24 نجلاء العمر :20 زياد العمر :22 وتوائمه عبدالله
ريناد اخر العنقود وصغيره مرره وعمرها خمس سنوات ودلع لبعد الحدود
بيت الخاله نورة وهي مره علاقتها حلوه مع ام خالد ((طبعا خوات)) وتخطط على بنت اختها نجلاء اولادها
محمد العمر :24 سارة العمر:19 دانة العمر:18 مشعل العمر :14
العمة هند اولادها 3 وهم سعد العمر :23 وسلطان العمر :22 وريوف العمر:19
هذولا اهم ابطال الرواية بلإضافه إلى الجد والجده أبو عبدالرحمن وأم عبدالرحمن .
************************************************** ******
(الجــــــــــــــــــــزء الآول)
الجده جالسة تتقهواء وتكلم ابو عبدالرحمن يالله اشتقت لبناتي وش الله اقردنا نوافق على هالرجال وياخذونهم
يسكنونهم بالقصيم آآهـ بس
الجد يضحك: احمدي ربك يامره انه خلا بناتك يروحون علشان ماتغتابين الناس يكفي عليك هند ماشاء الله عليها
هي تمسك وانتي تقطعين وبصووت عالي هههههههه والجده واصله معه من الطفش
يضحك ياسر :وهو داخل وشفيكم صوتكم واصل الشارع "طبعا انا ماقلت لكم ان ياسر شخص طييب جدا وحنون رغم انه
اكبر من طلال بس متعلق بجدته اكثر ومايقدر يصبر عنها لو يوم مايشوفها"
الجده :هلا بطش ورش تعال ياوليدي شف جدك وش يقول عني طبعا قالت له >>وزادت شووي بالكلام
ياسر وهو يغمز لجده:ايه بس قال كذا شويه يالغاليه على عمتي هند <<طبعا الجد زااد ضحك
الجده :تسحبه مع شعره وتقول جبتك لي عون صرت فرعون وهي تحضنه آآآهـ بس لو اني ما احبــك
جلس ياسر شوي يتقهواء معهم بعدين قال: استئذن ابي اروح لبوي بشركه تتحتاجون شي
الجد والجده :سلامتك
قام وطلع وهم يدعون له بالتوفيق وهو رايح
الجد:ياسر
ياسر :سم يبه
الجد:وش رايك تاخذني معك علشان ماخذ ذنوب وسمع الحش بعد نصف ساعه بضبط راح تدق هند
ياسر وضحكه عالي :سم يبه يالله
الجده : تاخذ ترمس القهوة بسرعه انفذوا بجلدكم قبل ماتجيكم
وكعااده هند تتصل و ...........
الجده تعلمه الاخبار وهي ماتقصر بعد قالت اخبار زوجها واهله وحتى الجيران رغم انه طيبه بس لازم الحش

*****************
نروح لبيت عبدالرحمن ام خالد زوجة طيبة وتحب الخير بس عصبية شوي وخصوصا عند تقويم عياله *_*
ام خالد : يالله شلون ابي اقومهم هالفطيس ورااحت لهم
دخلت غرفة خالد والمكيف جاااامد على طول سكرت المكيف وقامت تقوم فيه ولاحياة لمن تناادي
راحت لغرفة زيااد وعبدالله طبعا نفس الشي بس اهون من خالد قاموا وجلسوا ينكتون على امهم وهي تضحك
عليهم قالت: يووه باقي الفطيس الثااني اللي ماكانه بنت وقامت تقووم فيها بس مستحييل ترد
جلست جنب السرير يابنيتي قوومي الله يخليك ويزوجك وافتك منك نجلاء طبعا يوم سمعت طاري الزواج فزت
قالت :آآآآآآمين بصووت عالي
ام خالد:تضحك ايه اخر زمن حنا اول لا قالت امي كيذا نستحي مانطالع فيها
نجلاء:اي هين وماتسمع الا ضحك اخوانه زياد وعبدالله مرره طيبين وحبوبيين بعكس خالد هوطيب بس جاف جدا
بمشاعرة حتى مع امه رغم انه يملك طيبة الدنيا كلها
ريناد جت عندهم طفش زهق :ودي اروح اليوم لجدوه عشان اللعب مع بنت الجيران
نجلاء بدلع : انا اروح معك اليوم اكلم نوف ونروح
>>نجلاء موب لله رايحه تبي تشوف ياسر لانه تدري انه طول الوقت عند جدووه
نجلاء بقلبها :آآآهـ يا ياسر ليتك تدري بحبي لك
ام خالد: نجلاءوين وصلتي يالله قومي تراك وعدتي ريناد
نجلاء :اية يمه هالحين اكلم نوف ونروح <<طبعا نجلاء ونوف روح بجسد بس نووف ماتدري بحب نجلاء لياسر
نجلاء: يمه منتب رايحه؟؟خلينا نكلم عمتي هند ونروح
ام خالد: لا خالتك نورة تبي تجي عند امي وش رايك تاجلين روحتك لجدتك بكرا انا نسيت اني مواعدتها
نجلاء بشمئزاز:ياهوو لا ولا يبي يجي محمد بعد
عبدالله وزياد : الا محمد
نجلاء : الله يهنيكم فيه
ام خالد: حراام عليك والله محمد طيب
نجلاء : ايه ولزقه بعد
(طبعا نحلاء صادقه وحاسة انه يحبه ويترزز علشانه بس هي ماتطيقه)
قاموا للغداء ويوم خلصوا
نجلاء :ابي اقوم اكلم نوف
الووو نوف
نوف : هلا والله بالغلا كله
نجلاء : احم احم وش هالترحيب
نوف : لانك حاسه فيني ،تصدقين طفشت من المدرسة والروتين اليومي
نجلاء:احمدي ربك على الاقل عندك وفاء انا وش اقول
نوف:الله و وفاء عاد هااذي طول الوقت مع امي
نجلاء: طيب شوفي ابروح لجدوه اليوم انا وريناد وش رايك تجين؟
نوف: وش الطاري؟
نجلاء:ريناد طفشانه وانت تعرفين كلامه اوامر لانه اخر العنقود
نوف: فديته وهي تضحك
نجلاء: هاه وش صارر؟
نوف:خلاص ابقول لياسر او طلال ورد عليك
نجلاء:يالله بااي
نوف: باايات
ياسر دخل وشاف نوف تسكر وهي تضحك
ياسر: اهلين نوف وش عندك تضحكين؟
نوف : اضحك على نجلاء فديته والله
ياسر جلس يفكر انا والله اللي فديته وسرررح
نوف:هيييه وش فيك ؟
ياسر : لا بس وش فيها نجلاء
نوف :تبغنا نروح اليوم لبيت جدوه وش رايك توديني ولا اقول لطلال ؟
ياسر:خلاص اوديك انا
نوف:تسلم ابروح اكلم نجلاء
نوف: الو نجلاء
نجلاء: هاه وش صار؟
نوف: خلاص ابي اجي
نجلاء ودها تسال مين بس خايفه تفهمه نوف وسكتت
نوف:نجلاءوش فيك ساكته ؟
نجلاء: لابس افكر وش اسوي حلا لك >> اي هيين
نوف:ياروحي تسلمين انا ابقول لياسر يجيب شي جاهز
نجلاء انبسطت :طيب خلاص
نجلاء: ايه نوف وش رايك تقولين لوفاء؟
نوف: انشالله اقوله
نجلاء سكرت وهي طايرة من الفرحه اللي تبيه صار راحت تتحمم وتتزين وترسم هالعيون علشان النقاب يطلع شكله
حلو وهي تقول بنفسه الله يسامحني بس كله عشانك يا ياسر.
**************************
نوف:وفاء بتروحين معي لجدوه تبي تجي نجلاء
وفاء:مين يبي يوديها لجدوه؟
نوف: ماادري
وفاء:يالله وهي بنفسها تدعي انه خالد
راحوا للجدة وصلت نجلاء قبل وسلمت على جدوه
ريناد: حبت راس جدوه وشلونك جدووه ووين حلاوك؟
نجلاء: رينــاد ..!!
الجده :تضحك اتركيه هاذي ريناد موب نحلاء
نجلاء:افاا هاذا وانا جايه اوسع صدرك
الجده:ايه هين اكيد نوف تبي تجي
خالد: دخل وسلم على الجده
جلسوا يتقهون ونجلاء كانت كاشفه وجهها ودخل ياسر وعينه بعين نجلاء
ياسر رجع على وراء :هاه ياولد ادخل ؟
خالد وهو يضحك :دش دش
دخل ياسر ومعه نوف و وفاء وسلموا على جدتهم وفاء عينه ماطاحت عن خالد تحبه بس هو مايحس فيهاا
ويااسر قاام يضحك وبنكت علشان يبين لنجلاء انه خفيف دم *_^
وفاء بعــــــالم ثاني أحبك خالد وامووت فيك
خالد يناظر وفاء وهو شاغل نفسه مع ريناد آآهـ لو تدرين ياوفاء هالعيون وش مسويه فيني
(طبعا ماقلت لكم ان وفاء حلوه وطويله وجذابه وعيونه واسعه بس مافي بياض زايد ونحيفه
نجلاء بياض زائد وعيون حلوه ونحيفه بس احلى مافيها انها مخصرره مررره وشعرها طويل
نوف حلوه وعيونه ذباحه وشعرها طويل زي نجلاء وبيضاء بس مو لدرجة بياض نجلاء علشان كيذا سعد مرره
ميت عليها وهي خاقه عنده ومصارحه نجلاء بحبها لولد عمتها وهو نفس الشعور والكل يدري من البنات والعيال
بحبهم عشان كيذا مريحين انفسهم )
وفاء:ياسر افتح الحلا وقدم لجدتي ولخالد
تدخلت نوف: يعني هم لهم وحنا لا
ياسر:وش دعوا انتم قبلنا
نجلاء ضحكت وياسر حس بدوخه من عيونها
نجلاء:طيب ريناد افتحي الحلا حقنا انا مسويته بيدي
على طوول ياسر محس ومد يده
خالد: هييه وش فيك قدم للغاليه قبل
ياسر حس انه طاح وجهه: اسف بس احب حلا البيت
الجده: اي والله انه سنعه نجلاء
وفاء: اي هيين اول مره وضحكوا كلهم
ريناد: ايه جدوه صحيح كلام وفاء
نجلاء: اوريك يارينادوه والله ماجيبك مرة ثانية
الجد يدخل: السلام عليكم
نوف :يالله
نجلاء و وفاء تبون نروح هالحين لصاله
نجلاء تبي تذبح نوف :اصبري شوي علشان نشووف جدي
وفاء : ايه صح
نوف حست ان الموضوع فيه ان خصوصا انه شاكه بوفاء ودايم تحاول تصارحه نوف عينه طاحت على وفاء
وهي تناظر خالد وتضحك
قربت لوفاء وقالت : اي كشفناك
وفاء : تضرب نوف
ياسر: ابي اطلع تروح معي خالد
خالد: يالله عن اذنكم
راحوا العيال وجلسوا البنات مع الجد والجده
راحت الجده تصلي والجد طلع يصلي صلاة العشاء
نووف :بنات انا اكتشفت اكتشاف خطيييرر
كلهم بصوت واحد :وشو هالكتشاف
نوف: اقسم بالله انكم خاقين على ياسر وخالد وهي تضحك بقووه
وفاء ونجلاء :قاموا يضربون فيها
نوف:تعالوا نعقد اعتقاد تحالف ونتعاهد اننا احنا الثلاثه نكتم اسرار بعض
وفاء: انا امووت في خالد
نجلاءمتردده :انا...انا..احب سعد
نوف تصارخ : والله لموتك خلاص مانبي تحالف
نجلاء: اضحك عليك من حلاته وووع
نوف: ووع بعينك آآخ لوياسر موب اخوي كان اقولك وعع بس ياسر مرره خطيرر
جلسوا يصارحون بعض قامت نوف قالت :خلاص وش رايكم يوم الاربعاء نسهر عندنا
ونادي البنات كلهم
وفاء : اووه روعه بس بشرط يانجلاء هالبزر ماتجي تعني ريناد
نجلاء :ليش انشالله
وفاء:لان خالد يمووت فيها ولا راح يجلس معنا شووي اذا جاابكم
نجلاء: اضحك عليك اصلا انا منب ناقصه بزران
اتقوا كلهم على الاربعاء ان اسهره في بيت نوف ووفاء.
*************************
رجعوا للبيت وياسر متششق من الوناسه انه شاف نجلاء اليوم دخل على نوف و وفاء وسلم
ياسر:وشفيهم خواتي جالسين
وفاء ونوف مع بعض:ياسر نبي منك طلب ياغلى اخو
ياسر:مادام فيها اغلا اخو وش عندكم باختصار
نوف :تنقز وتحبه ياسر حبيبي
ياسر:خلصي
نوف: انا و وفاء عازمين البنات يوم الاربعاء ونبي تجيب لنا اغراضنامن حلا وفطاير وعصاير
ياسر: ايه وبعد
وفاء:وعشاء الاخو وقت الشدة يبين
ياسر: حلو وين الكافائه حقت الجامعه
نوف و وفاء :اووهـ اللي يسمعك يقول هالمكافائه 5000 الاف ريال كله 1000 ريال
ياسر:طيب قولوا لطلال >>هو عارف ان طلال طول وقته برا مع الشباب سعد ،وسلطان ،وزياد ،وعبدالله
نوف: طيب ياسر عندي اقتراح
ياسر : وشو؟
نوف: نروح حنا معك نجيب المقاضي (الاغراض)
ياسر: طيب اليوم الاحد والسهره يوم الاربعاء
وفاء:ايه نبي نجيب الاغراض الثلاثاء
ياسر: اوك "ملاحظه: ياسر مررهـ طيب مع خواته"
نوف لوفاء:تعالي نعد البنات اولهم المجنونه وبعدين ساره ودانه وريوف وبنات جيرننا مزون ومها والبندري وصديقتي
ليلى
ياسر وهو يفكر غريبه ماجبوا طاري نجلاء
وهو طالع
ياسر : نوف و فاء
نوف و وفاء : هلا
ياسر : ليه ماعزمتوا نجلاء؟
هم ضحكوا بصوت عالي هي اولهم قلنا المجنونه
ياسر يستهبل : مجنونه ليه؟
وفاء : لانه تحب المغامرات ولاكشن وتحب تجنن البنات
ياسر: اهاا
******************************
مررة ايام الاسبوع وجاء يوم الاربعاء وهو اليوم اللي راح يكون فيه السهرة والوناسه وهبال البنات
اجتمعوا البنات وكل وحده احلى من الثانيه وطقات زينهم
وفاء: ااش ااش وش هالتشخيص على بالكم حنا بزوااج
البنات:كلهم يضحكون
نوف: غريبه نجلاء تاخررت
وفاء : اي والله غريبه
الساعه ثمان ونص وفاء تدق على نجلاء
وفاء : هاه وينك؟
نجلاء:انا عند الباب بس افتحي لي لان خالد معه اغراض جيبتها لكم
وفاء سمعت طاري خالد راحت تركض تفتح الباب
خالد جالس يقز مع فتحة الباب وهو يسلم على وفاء
دخلت نجلاء: السلام عليكم
البنات كلهم بصووت واحــد : وااااااو وش هالشياكه
نجلاء بستهبال: بعض مما عندكم
(نجلاء كانت لابسه فستان احمر طويل من ورا وقصير من قدام ومخصر على جسمه وهي تتميز بالخصر
علشان كذا تحب تلبس اي شي ضيق من عند الخصر .وفاكه شعرها كان طويل وناعم وشكله جناان وحاطه ميك اب
خفيف)
الـــــــــــمهم
البنات قدموا الحلا والقهوه وبعدين الشاهي والفطاير .
ريوف:الله الحلا و الفطاير شي صراحه من اي محل
وفاء: مادري ياسر جايبه
ريوف:كان قلتي كذا ياسر مايجيب الا الحلو
نجلاء كانت بتموت من القهر بس ماحبت تبين
نوف وهي تطالع نجلاء:كلك ذووق ياريوف تعرفين قيمة اخوي وتضحك
نجلاء تمسح العرق وتحاول ماتبين وهي بخاطره والله لا ارده لك يانوف وريوف
قاموا شغلوا المسجل وهاات يارقص
ياسر دخل بشويش ويتسحب تسحب عشان مااحد ينتبه له بس شافته دارمي
دارمي :بابا
ياسر: او هووه وش تبي ذي بعد
دارمي: بابا ياسر فيه حرمه جوا كثير
ياسر: انا في معلووم
ياسر دخل جوا الصاله وكان فيه مجلس الحريم يطل على الصاله وكان مطفي الانوار ويقول بقلبه ابغا اشوفك يانجول
يابعد قلبي
ياسر يطالع البنات وماشاف نجلاء
بهالاحظه دخلة نجلاء وهي تقول بصووت عالي انا مجنونه بالرقص بس ابغا اطلع هبالي على رقصهم وشعللهم
شغلولي اياها
المهم شغلوها وبدت ترقص وياسر مفهي فيها من حلاتها ورقصها وجسمها وخصوصا خصرها اللي تتموج فيه يمين ويساار
ياسر :آآآآخ يانجلاء ليت من يضمك والله انك مووت والله اني احبك وخاطررت عشانك الله يسامحني بس
ياسر لاحظ ان نجلاء جايه للمجلس >>اللي هو فيه طبعا
ارتبك وماعرف يتصرف وشاف نجلاء جايه منجهته .
... انتــــــــــــــــــــــــهــى الـــــجـــزء الاول ...
ابي ارائكم وتوقعاتكم
وش تتوقعون ردة فعل نجلاء لا شفت ياسر ؟وياسر وش راح يسوي بينحاش قبل لاتشوفه؟
ولاراح يتغبى ورا احد من الكنبات؟
او اي شي ثاني كل شي ممكن ؟
انتظروني في البارت القادم
وابي تعليقاتكم بصررراحه
الرجوع الى أعلى الصفحة اذهب الى الأسفل
So_SO
|| آلرقآبهـّ آلعآمهـّ ~
|| آلرقآبهـّ آلعآمهـّ ~
avatar

•°||مساهماتے« : 179

مُساهمةموضوع: الــــــــبــارت الثاني) وهذه الجز الثاني    السبت أغسطس 07, 2010 12:12 pm

(الــــــــبــارت الثاني)
ياسر لاحظ ان نجلاء جايه للمجلس >>اللي هو فيه طبعا
ارتبك وماعرف يتصرف وشاف نجلاء جاية من جهته
ياسر على طول نقز وراء الكنب دخلت نجلاء وهي تردد انا تقهريني ياريوف ونوف اوريكم وطفت طبلون الكهرباء
البنات بصوت واحــد يصارخون من الرووعه ونجلاء ميته من الضحك
الــمهم
ياسر لقاهـ فرصه علشان يفرك <<ينحاش
ولا احد يشوفه قام ونقز من الكنب وهو يطلع مدرا الا اللي يمسك ايده ويقول: هاهـ مسكتك
ياسر تجمد مكانه
نجلاء : مين معي؟
يااسر:...............
نجلاء: مين؟
ياسر:................
نجلاء في باله غريبه مين وتشم عطر رجالي في خاطرها الريحة ريحة ياسر وتمسك في يده بقووه
نجلاء: تصوف نوووف وفااء بنات تعالوا الحقوا علي ابمووت
ياسر لاشعوريا: سلامتك من الموت عساه فيني ولا فيك
نجلاءخلاص ماتقدر تحرك قالت بنفسه : خاربه خاربه لازم اشوف مين هو ومسكت يده بقوه وراحت لطبلون الكهرباء
وفتحت النور وتشووف ياسر
ياسر : نجلاء
نجلاء.........
ياسر:انا آسف بس والله مااكنت قاصد اروعك
نجلاء:...........
طلع ياسروهو يفكر وش سويت وش تبي تكون فكرته عني وتبي تعلم وفاء ونوف ولا لا،كان يفكر وهو يضحك
بس صراحه ماكذبت نوف يوم قالت عنها مجنونه آآخ بس يانجلاء
***************************
نرجع للبنات نجلاء سرحانه بكلام ياسر معقوله هو يحبني ؟ وليش موجود وكانت الافكار تودي وتجيب .
كانوا البنات مشغلين الاستريوا على اليازيه وهي تغني
وشلون ابي ادري كيف روحين بروح ***ماكنت اصدق باندماجك يالارواح
نجلاء وهي تضحك بصووت عالي ههههههههه
نوف: نجلاء وش فيك؟
ريوف : اكيد دخلها جني
نجلاء : بسم الله علي الجني فيك ولا فيني طبعا ريوف ونجلاء مثل الملح وناار مايطيقوون بعض.
*****************
ياسر بعالم ثاني معقوله نجلاء بكل هالجمال والجسم امووت واحضن خصرك يانجلاء آآآهـ بس
فكر قال ابرجع للبيت واللي يصير يصير
رجع ياسر: نوف.نووف
نوف تطلع:هاه ياسر وش جابك؟
ياسر : بصراحــه يانوف انا تعبان وابي اطلع للغرفتي
نوف: خلاص اطلع بس مابغا البنات يحسوون لانهم يتعشوون
ياسر : اوك
**********************
وفاء جت عند نجلاءوش فيه الحلو يفكر ؟
نجلاء بخبث:افكر بخالد
وفاء : وش فيه
نجلاء: يمووت على الكبه و ورق العنب
وفاء:خلاص ابرفع له
نجلاء:من قدك ياخالد
ريوف:نجلاء
نجلاء وتميل وجهه :نعم
ريوف:اخوي سعد يسلم عليك تقوله بصوت عالي تبي تسمع نوف
نوف: وجع ياريوف سعد لي
ريوف بخباثه: ونجلاء لمين؟
نجلاء :لك انا وكل ما املك
ساره ودانه:هههههههههه هههههههه والله حلو يانجلاء
طبعا بنات الجيران راحوا بدري وحتى صديقة نوف ليلى راحت بدري
وريوف طلعت بعدهم على طول هي وسارة ودانه مابقى عندهم الا نجلاء
نجلاء :تاخر خالد ابكلمه
نجلاء : هلا خالد
خالد:هاه نجلاء خلاص
نجلاء : ايه تكفى بسررعه
خالد: اوك
دقايق وخالد عند الباب وفاء تودع نجلاء وتعطيها الكبه و ورق العنب وطبعا قبل متعطيه نجلاء بخت شوي عطر
على الكيس علشان يشم عطرها
خالد: اهلين
نجلاء:هلا والله
خالد :وش جايبه معك؟
نجلاء بلعانه:هاذا وفاء عطتني اياه قالت عطيه خالد يمكن ماتعشاء
خالد: اي والله ماتعشيت تسلم والله
وصلوا للبيت
خالد : نجلاء
نجلاء: هلا
خالد:اكيد الشغاله نايمه ابي شاهي علشان اشربه مع الاكل
نجلاء : من عيوني
خالد: تسلم عيونك
راح خالد عند التلفزيون وشغله جابت له نجلاء الشاهي
نجلاء:هاه خالد تبي شي ثاني
خالد :لا شكرا
طلعت نجلاء لغرفته وخالد قام يطلع الاكل وشم ريحة العطر آآهـ اكيد عطر وفاء تسلم لي هالريحة وصاحبتها
وقام ياكل ويتخيل وفااء
نجلاء راحت لغرفته وقامت تتذكر كلام ياسر يااه معقوله ياسر يحبني وجلست تفكر لين ناامت
*********************
من بكرا ام خالد تقوم خالد ونجلاء وزياد وعبدالله يالله نبي نروح لجدكم
ام خالد : يالله ياخالد علشان ابوك يقول خليه يجي لدوام
خالد: طيب يالغاليه
ام خالد : الله يرضى عليك
ام خالد راحت لزياد وعبدالله: يالله قوموا
زياد: يومه والله امس مانمنا زين
ام خالد: قوموا ولا والله لا اقول لبوكم يجي يقومكم بنفسه
زياد وعبدالله : خلاص خلاص قمنا
ام خالد راحت لنجلاء
نجلاء يالله قوومي نبي نروح لبيت اهلي يالله ابوي ينتظرناعلى الغداء
نجلاء :يمه روحي مابغا اروح
ام خالد: ليش؟
نجلاء: محمد اكييد فيه
ام خالد : طـــيب
نجلاء: رااح امل من الغطاء
ام خالد:سارة ودانه فيه يالله بس
نجلاء : طيب
************************
طلعوا سوا خالد راح لبوه بالشركه لان دوامه بعد الظهر وام خالد والعيال راحوا لجدهم اللي عازمهم على الغداء
دخلت نجلاء وكانت مولابسه زين ولا حاطه ميك اب بس حاطه كحل وقلس
محمد يرزز نفسه : هلا نجلاء
نجلاء :هلاوالله
محمد:وش الاخبار؟
نجلاء:تمام
محمد:من زمان ماشفنكم
نجلاء:نعـــم؟
محمد حس انه اكل مطب قال: لااقصد زياد وخالد وعبدالله
نجلاء:اهم جايين عندك هاليحين
محمد حس انه قاط وجه عليه ودانه وساره يضحكون عليه ،طلع وخلا البنات مع بعض
ساره:اقول نجلاء
نجلاء: هلا
ساره: انا ودانه فكرنا نكلم وفاء ونوف وريوف ونروح للمهرجان الجنادريه وش رايك؟
نجلاء:الله رووعه اذا وافقوا لنا
سارة ودانه :ليش يرفضون
نجلاء:انا اليوم بروح لجدوه علشان ابوي يسلم عليه وابي اقول لوفاء ونوف وش رايكم؟
دانه وسارة : خلاص تم بس ليش ماتقعدين ونسهر حنا وياك
نجلاء في قلبه هاذا الناقص عساني اتحمل هالحين موب الى هالليل
نجلاء : لاوالله بس نوف ملزمه علي من امس وعدته اليوم
سارة ودانه: اهاا خلاص قولي له عن المهرجان
**********************
صار المغرب واستئذنوا من خوالهم وراحوا لبيت جدهم ابو عبدالرحمن دخلت نجلاء وهي تضحك وهي تقول لأمه فرق بين
البيت ذا والبيت ذاك
ام خالد : خلاص لا اقطع لسانك الا اهلي
نجلاء:خلاص وتحط ايده على افمه
دخلوا ورحبت فيهم ام عبدالرحمن
ام عبدالرحمن :هلا والله بام خالد وش هالغيبه
ام خالد:والله ياخاله مشتاقه لك بس عبدالرحمن مشغول كثير ودايم هو وخالد بشركه
ام عبدالرحمن :الله يعينهم وتلتفت على زياد وعبدالله وانتم وش عذركم
عبدالله وزياد :يحبون جدتهم حنا مشغولين مع العيال وهم يضحكون
ريناد: جدووه ابي حلاوه
الجده :تضحك سمي
الجده :نجلاء جيبي لي الكيس من الدولاب
نجلاء وهي رايحة تجيب الحلاو معطيه الباب وراهـ وتعاند جدتها انا بختاار قبل
الجده : نجلاء جيبي الكيس
نحلاء : لا
الجده:والله لااقوم عليك بالعصى
نجلاء:يالله جدوه ورينا شجاعتك
الجده: عبدالله تكفى قوم عني
نجلاء وهي تركض بالكيس الا بدخلت ياسر وكيس الحلاو كله بوجهه هي صرخة وراحت للغرفه على طول
لانه موقف لاتحسد عليه
الكل يضحك هذا الشر واللعب ومايسوي
الجده : ياسر بسم الله عليك عسى ماتعورت من هالخبله
تغطت ام خالد : وسلمت على ياسر اناآسفه ياوليدي امسحه بوجهي عن هالمجنونه
ياسر:وش دعوه ياخالتي نجلاء محركه البيت عند جدتي
عبدالله وزياد : اقول ياسر وش رايك نروح للمهرجان بكرا لانه يوم الرجال
ياسر: والله موب شينه ونقول لسمان وسعد
دخلت نجلاء وسلمت على ياسر عقب ما ارسمت على الكحل
نجلاء : لا لاتروحون بكرا خلوها يوم العوائل عشان نروح معكم
عبدالله وزياد: يالله بس مافي حريم
نجلاء :تكفى عبدالله
عبدالله :لا
نجلاء :طيب زياد تكفى
زياد:لا يعني لا انا مااحب اخذ حريم معي
نجلاء :......
ياسر بنفسه ياروحي والله لاتروحين وانا ياسر
نجلاء:ياسر
ياسر: نعم
نجلاء:نوف وفاء بيجون اليوم ؟
ياسر وهو يطالع عيونه وخايف ان زياد وعبدالله يحسوون :ايه يبي يجون مع امي وطلال
ريناد جالسه بعيد وتاكل من هالحلاو
زياد: هيييييييه انتي بتموتين من هالحلاو
ام خالد:يوه نسيناها . وتقوم تاخذ الحلاو
ياسر يتجراء شووي:اقول نجلاء ماتبين حلاو من كيس جدوه
نجلاء : تسلم
عبدالله: لاتهمك ماينخاف عليه
شوي ودخل خالد وابوه ويسلمون على الجده أم عبدالرحمن
عبدالرحمن :هلا بالغاليه
الجده: هلا بالقاطع ماتسال عني وعن ابوك
عبدالرحمن :حقكم علي بس والله مشغول
شوي ودخل ابوياسر وطلال وام ياسر ونوف و وفاء وتقهووا وبعدين جت عمتهم هند وبنتها ريوف وعيالها سلمان وسلطان
******************
قاموا البنات اجلسوا مع بعض والشباب مع بعض
الشباب خلاص بكرا نروح للجنادريه
ياسر:طيب ليش ماناخذ البنات ودهم يروحون
عبدالله وزياد بصوت واحد:خذهم انت
ياسر فرح وقال بقلبه والله لا اسويها علشانك يانجلاء
راحوا الشباب والبنات واتفقوا البنات انهم يقنعون اهلهم علشان المهرجان
من بكرا راحوا الشباب ويوم رجعوا تكلموا كثير فيه عند اهلهم
نوف و وفاء :ياسر نبي نرووح
ياسر :خلاص قولوا لبوي وامي اذا وافقوا كلموا نجلاء وريوف واخذكم
البنات قالوا لأمهم وقالت طيب بس بشرط ان نروح معكم انا وام خالد وهند
البنات مو مشكله
كلموا ام خالد وعمتهم هند والكل رحب بالفكره
ياسر مبسووط ومستعد وكان يقول بقلبه زين اني لحالي عشان اخذ راحتي
جاء يوم العوايل واستعدوا وجهز ياسر الجمس علشان ياخذ الحريم وركبهم وكانت ام ياسر قدام
وراء ام خالد وعمته هند و وفاء والمرتبه الاخيره فيها نوف ونجلاء وريوف
ويـــــاسر مبسوط مشغل المسجل وبعالم ثاني وكل شوي يناظر نجلاء
وهم بالطريق بدة الزحمه والحريم طفشوا الا نجلاء كانت تضحك وتحارش ريناد وهي تصارخ >>قلق هالبنت
ام خالد تلتفت على نجلاء :خلاص يامجنونه
ياسر وهو يضحك ويشغل اغنية بحبك يامجنونه
بحبك يامجنونه كيف ماكنتي تكون
على الورد امشيك ولحــق خطويــك
وعشق كل شي فيك ياغلا من عيوني ...
نجلاء جالسه تناظر ياسربالمرايه وفهة فيه وهو خق طبعا مادرى الا يفرمل بغى يصدم .
وصلوا المهرجان ونزلوا وكانت اخر وحدهـ هي نجلاء وهي كانت تنزل قرب له ياسر وهمس بأذنه
وقال :بحبك يامجنونه والله اموت فيك يانجلاء
نجلاء :متنحه ومن صدمه من اللي سمعته
نجلاء اللتفتت على وراء وفجئه صررررررخـــت

...انتـــــــــــــهى الـــــــــــبــارت الثاني...
وش توقعاتكم لياسر ونجلاء ؟ تتوقعون نجــلاء ليه صرخت؟شافت شي؟ او من الكلام اللي سمعت ؟
تتوقعون بيصير شي بالمهرجان؟
ابي ارائكم للبارت بكل صراحــه
الرجوع الى أعلى الصفحة اذهب الى الأسفل
الجنيهه

avatar

•°||مساهماتے« : 72

مُساهمةموضوع: رد: الــــــــبــارت الثاني) وهذه الجز الثاني    الأربعاء أغسطس 11, 2010 1:10 pm

ككككمممممممممممممممممممللللللللللللللللليييييييييييييييييي متشوقه اعرف بسرعه
الرجوع الى أعلى الصفحة اذهب الى الأسفل
الجنيهه

avatar

•°||مساهماتے« : 72

مُساهمةموضوع: رد: الــــــــبــارت الثاني) وهذه الجز الثاني    الجمعة أغسطس 13, 2010 1:44 pm

اتوقع انها صكرت الباب على يدها اااااااااااتتتتتووووووووققققققققققععععععععع
بس بسرعه كملي بليز بسرعه
الرجوع الى أعلى الصفحة اذهب الى الأسفل
So_SO
|| آلرقآبهـّ آلعآمهـّ ~
|| آلرقآبهـّ آلعآمهـّ ~
avatar

•°||مساهماتے« : 179

مُساهمةموضوع: رد: الــــــــبــارت الثاني) وهذه الجز الثاني    الأحد أغسطس 15, 2010 4:58 pm

مشكوره عل الرد ويمكن صكرت الباب على يدها ولوووووووووووووول
الرجوع الى أعلى الصفحة اذهب الى الأسفل
لولي

avatar

•°||مساهماتے« : 368

مُساهمةموضوع: رد: الــــــــبــارت الثاني) وهذه الجز الثاني    الإثنين أغسطس 16, 2010 12:27 am

مشكووووووووووووووووووره ع الريوااايه بس ممكن تكيري الخط...


الرجوع الى أعلى الصفحة اذهب الى الأسفل
اسيرة القمر منذ الصغر

avatar

•°||مساهماتے« : 45

مُساهمةموضوع: رد: الــــــــبــارت الثاني) وهذه الجز الثاني    الإثنين أغسطس 16, 2010 11:36 am

مشكور الله بعطيك العافيه
الرجوع الى أعلى الصفحة اذهب الى الأسفل
So_SO
|| آلرقآبهـّ آلعآمهـّ ~
|| آلرقآبهـّ آلعآمهـّ ~
avatar

•°||مساهماتے« : 179

مُساهمةموضوع: رد: الــــــــبــارت الثاني) وهذه الجز الثاني    الأحد أغسطس 22, 2010 9:49 am

عفوآآآآآآآآآآآآآ
الرجوع الى أعلى الصفحة اذهب الى الأسفل
قمر الليالي

avatar

•°||مساهماتے« : 238

مُساهمةموضوع: رد: الــــــــبــارت الثاني) وهذه الجز الثاني    الأربعاء نوفمبر 17, 2010 9:19 am

شكرا سوسو
الرجوع الى أعلى الصفحة اذهب الى الأسفل
قمر الليالي

avatar

•°||مساهماتے« : 238

مُساهمةموضوع: رد: الــــــــبــارت الثاني) وهذه الجز الثاني    الأربعاء نوفمبر 17, 2010 9:19 am

شكرا سوسو ننتظر جديدكي
الرجوع الى أعلى الصفحة اذهب الى الأسفل
ندى

avatar

•°||مساهماتے« : 104

مُساهمةموضوع: رد: الــــــــبــارت الثاني) وهذه الجز الثاني    الثلاثاء ديسمبر 07, 2010 1:41 am



  • الشكر لك يا اختي هلا كبرتي الخط قليلا فانا ضعيفة النظر
الرجوع الى أعلى الصفحة اذهب الى الأسفل
تعبت أعاتب
|| آلرقآبهـّ آلعآمهـّ ~
|| آلرقآبهـّ آلعآمهـّ ~
avatar

•°||مساهماتے« : 459

مُساهمةموضوع: رد: الــــــــبــارت الثاني) وهذه الجز الثاني    السبت يونيو 25, 2011 2:50 am

ثانكيو
الرجوع الى أعلى الصفحة اذهب الى الأسفل
 
الــــــــبــارت الثاني) وهذه الجز الثاني
استعرض الموضوع السابق استعرض الموضوع التالي الرجوع الى أعلى الصفحة 
صفحة 1 من اصل 1

صلاحيات هذا المنتدى:لاتستطيع الرد على المواضيع في هذا المنتدى
منتديـــــــــــــات سارة للبنات :: الشـعـر والأدبـ ♥~ :: [ ..ڪانت تروى..]-
انتقل الى: